咁啱睇到依篇文，覺得同原po經歷緊一模一樣嘅事，不過我係女方所以想分享一下同樣嘅情景女方/情感上比較依賴嘅一方係點諗。（理性討論thx）
——
我都承認自己係比較癡身，而且個人本身因為家庭因素同過往經歷冇乜安全感，並非指我缺乏安全感就理所當然要對方滿足我所有嘅要求，而係依個情景裏面，冇得見到、觸摸唔到我嘅男朋友、感受唔到佢嘅體溫好不安⋯⋯‍🩹

就好似電量一直下跌而搵唔到charger嘅手機，硬係覺得個心空咗一忽🤍

每個人感受到愛嘅方式都唔一樣，物質、精神、語言、身體接觸、行為等等⋯⋯俗稱嘅『愛之語』，唔止男性女性對感受愛的需求唔一樣，而係每個人可以透過邊種愛之語感受到對方對自己嘅心意/自己傾向係表達邊一種愛之語都唔一樣
（愛之語依個concept係某日youtube睇推薦片嘅時候，FH +瑩feat另一個youtuber談論兩性關係時提起嘅。）
（我嘗試搵翻『愛之語心理測驗』同個段片放b1 大家可以參考下）
——
講翻我依家經歷緊嘅情況啦～
我同我男朋友今個禮拜見唔到面，情人節係已經提早慶祝咗，但係佢屋企有比較大嘅事發生而係一早知道嘅，所以佢都有預先同我講定話今個禮拜見唔到面，我都唔方便去搵佢⋯⋯

然後我就忍唔住起餐廳喊咗，首先對唔住我係淚腺極極極低嘅人，當然唔係話喊到成間餐廳都聽到，基至乎佢坐我對面食飯係食到一半先發現我不停滴緊眼淚落碗湯

但我喊係生理反應控制唔到佢不停流啲水出嚟，而同佢一齊之後我都慢慢學識情緒會令佢轉移咗個重點focus唔到我想表達嘅重點而係想儘快令我唔好喊雖然每次都好想好型好冷靜咁對佢表達我想講嘅嘢，但至今為止都係fail每次都係滴住眼淚流住鼻涕咁同佢講⋯⋯
——
講翻重點！（好似兜左好大個圈）
原po依個情況，女朋友會覺得你唔掛住佢，係有幾個可能性

愛之語嘅需求
可能原po女朋友好似我咁，都係對身體接觸有比較大嘅需求（可以包括及不限於%%%），唔係話唔見面其他你一切為佢做過嘅嘢就冇意義，而係佢攬住你會覺得有比較大嘅安全感，所以見唔到面嘅時候佢想你講更多嘅甜言蜜語，或者表達比佢知even唔見面你都會掛住佢，令對方都有被需要嘅感覺。

我嘅情況係，尋晚同我男朋友講電話直程又忍唔住喊，同佢講我冇身體接觸會好缺乏安全感⋯⋯當然佢屋企有情況，我係應該都好想體諒，所以講電話之前我嘅理性同感性腦係打曬交，一邊覺得好想見佢點解唔比我去搵佢、另一邊覺得其實佢已經好攰同埋見面嘅時候佢都好錫我好照顧我，依啲緊要關頭我好應該做一個稱職嘅女朋友默默陪伴佢唔好再比額外嘅壓力佢⋯⋯and my mind is BOOM

唔見面嘅日子有被忽略嘅感覺
頭盔翻🪖依個真係我自己嘅推測，唔清楚原po同女朋友唔見面嘅時候會唔會有msg/電話溝通，所以依個真係base on翻個人情況去推斷。

我嘅情況係，我同男朋友會keep住wts，但可能係隔0.5-3個鐘左右覆一次，內容都冇乜重點，我曾經諗過係咪已經淡左定係冇話題🥲有啲覺得佢好似冇乜嘢想同我分享⋯⋯但係佢同我講翻，有時可能佢真係攰/唔想再費腦諗，但係又唔鐘意講電話，然後又唔可以見面，再再加上佢份人本身好被動，除非我間唔中話想聽佢講，如果唔係basic連掛住我都唔會講

My brain is like 『這段關係只有我在付出』『得唔到回應嘅主動真係好攰』『其實我係咪唔應該對佢咁上心』⋯⋯係誇張咗少少嘅，但係我想表達嘅係

感情同關係真係需要雙方維繫，比較依賴嘅一方多數都願意做主動個個，唔一定係物質付出、關懷體貼、甜言蜜語、主動報備等等，相信大家見面嘅時候都願意將一定嘅專注力放起對方身上

但更重要嘅係唔見面嘅日子，都表達多少少🤏你對對方嘅心意同著緊，難聽嚟講收兵都要間唔中派係軍糧等隻兵死心塌地，何況我唔係你隻兵偶爾主動講一兩句甜言蜜語（或者面子不能輸嘅就反客為主問翻對方：有冇掛住我/係咪好想見我呢？之類），主動問下今晚講唔講電話，相信見唔到面個種不安嘅感覺會消除好多！！！
——
今日元宵佳節，希望大家可以同另一伴一齊食湯圓/隔住個電話facetime食湯圓，甜甜蜜蜜啦！