初次開post 唔知有冇po錯版 打得唔好嘅話sorry

唔知有冇人同我一樣 背痘問題都好嚴重
如果要用天空形容背脊 可以話係滿天星星
一直都係好少少又差返…
日常常換睡衣床單呢啲少不了
但反覆幾年都冇好返嘅一日 呢場仗打到攰
見到啲好靚嘅衫 可能只係一件背心都想著
好想好想可以完全好得返 可以著到
有陣時冇自信到 着啲鬆身少少嘅衫
都驚朋友行後面或者男朋友攬落嚟會睇到

最近覺得情況好似好轉返少少
但感覺又未係好穩定
而且一直積落嚟啲痘印好多
想問下大家有冇同樣問題同埋有咩解決方法？

下面就嚟推薦下最近覺得對我好有效嘅產品

新肌霓-美背計畫（藍色淨痘調理）最初好似係ig見到佢個廣告
算係咁多年嚟第一次見到有別於噴霧類嘅新產品？
當時專登去台灣版查有冇人用過呢個敷膜
但唔多見有人買嚟用 好多人都抱一個觀望態度
我都諗咗一陣 始終個價錢都少少貴
最後都係忍唔住買咗嚟試
個效果surprise咗我！
由於佢係用水楊酸杏仁酸 我冇咁常用酸類產品
第一次用好乖跟住用15-20分鐘 2-3日一次
發覺冇咩唔舒服
之後都用夠1-2個鐘 隔1日用一次
用咗一個半禮拜左右 大概5/6次
已經感覺好明顯 由本身摸落去好多小粒粒
到摸落去滑咗好多！！
之後我用得冇咁密 大概隔3/4日用一次
而家用咗13次
只係好偶然有1-2粒新生出嚟

The Ordinary Glycolic Acid 7% Toning Solution呢個係因為揾the ordinary skincare嘅時候
見到有好幾個youtuber講佢哋有用呢個抗背痘
睇過幾個post話呢支濃度高 搽落去可能會痛
都驚咗一下 不過為咗要好返 唔理咁多
一開始用真係搽落去成個背脊都熱
驚會唔會太刺激 而且陣味唔討好
我係同新肌霓輪流用
所以都唔知應該要歸功於邊個
但的而且確 兩款一齊用咗一個幾月
背脊粒粒由紅腫變成痘印

下面再分享下我用過嘅產品啦～

Najel 12%月桂油 阿勒頗手工古皂呢款係屋企人揾俾我用 自己好似冇見過有人分享
價錢嚟講都算物有所值 因為都好大嚿 我切開嚟用
一邊用有種洗得好乾淨嘅感覺
唔係好識形容…
就好似一朝早踩入地下抹得好乾淨嘅商場
對鞋會啜着嗰種
唔係好知”咁乾淨”係好定唔好
我就覺得用完之後抹乾身好舒服
好似真正沖走啲汗
不過呢款皂可能係手工或者有橄欖油成份
放喺浴室濕濕嘅地方會好易溶
我用到最後係溶到同皂液差唔多
用咗一嚿之後轉用皂液版本 成份好似都一樣

Najel 有機阿勒頗皂液 (20%月桂油) 現時用質地偏水 用後感同皂一樣 已經用完兩支

施巴5.5 潔膚浴露好多人都話呢支唔錯 可以去油脂平衡酸鹼度？
我屋企用開 算由細用到大 起碼過15年
我用落感覺係不好不壞 用完係保濕冇拉緊皮膚
但對於我抗背痘就…冇咩感覺…
可能係用到免疫？

Dr. Wonder Acne Cleanser呢支係睇ig廣告知 見廣告講到用完就好返
本身對佢期望都幾高 一次過買咗兩支返嚟
質地比較水 用完一支都冇咩感覺 失望
第二支都買咗 最後粗用 剩係想快啲清咗佢

日本Pelican背部專用石鹼潔膚皂印象係好平
比較麻煩 要用起泡網
唔係就好硬 好似攞住嚿石頭 唔知點用
用完嘅感覺同施巴一樣 冇好大感覺

小林製藥背粒消無瑕噴劑呢款應該冇人唔知嘅噴霧
覺得除咗可以倒轉噴方便 快乾 陣味好聞之外
好似冇咩效果 至少我用完一支都冇特別好

同場加映：
OLAY 高效透白光塑淡斑精華 早嗰排睇到Chinchin介紹美白精華 燒到
用過上面 塊面白咗 痘印淡咗
暫時小範圍試用喺背脊最深嘅痘印
好似都有淡咗少少
未敢全背用 因為仲繼續用緊酸類產品
唔想溝埋 又唔敢停用酸類產品

暫時打住咁多有啲唔記得仲用過咩…
最後～
用過嘅產品對我有冇用 有冇刺激性
呢啲唔代表對睇post嘅你哋一樣㗎
記住要留意返自己膚質呀

歡迎大家都分享下有冇咩好用去背痘/去背痘印產品