對欺凌過人嘅明星有咩睇法?👀

近排韓國一大堆藝人比人爆以前欺凌過人
雖然有啲未必係真 但我反而諗
如果有啲人第時係想做藝人
或者係其他靠人氣搵食嘅公眾人物e.g. Youtuber,KOL,...
真係最好確保自己以前冇污點
唔係嘅話 等你越企越高
任何一件壞事比人爆料 你就會身敗名裂

我覺得如果有做過嘅 都唔係好值得可憐
試諗下
當加害者安然無恙變成受人喜愛嘅明星
喺人前人後受到fans嘅追捧稱讚
而受害者一世都活在陰影下 畏首畏尾咁生活
仲要望住你喺電視上好開心咁笑
個心究竟會受到幾大傷害

如果比人爆出嚟先道歉
都唔見得你真係好有歉意
唔係比人爆出嚟 你會道歉咩?
如果真係有歉意 唔係會一早道歉㗎咩?
而且好有誠意道歉嘅 更加要退出娛樂圈
唔應該再活躍喺聚光燈下
從而令受害人受到二次傷害

👇🏻以下開放討論 你哋對以前欺凌過人嘅明星有咩睇法?👀

favorite_border15
toc0